Sjoe ek is teleurgesteld! Na ons Koppisol naweek wou my vrou weer kom kamp en ons het, n.a.v. wat hier gesê is besluit om Soetdoring toe te kom. Met aankoms is ons vriendelik verwelkom, ens, maar die manne en maninne party en jol. Nee sjoe, die plek is soos 'n bike rally! Doem-doem, dronk slingerende mense en tieners wat op die trampolines rond kriewel. Sjoe, dit is nie die R500 vir 2 aande werd nie. Ek gaan maar môre hak en terug huis toe! Om nou (22:19) na musiek te luister wat ek haat is darem nie aan nie. En die mense ignoreer net die versoeke vir stilte.

Etienne dit is nou jammer julle naweek word so bederf.

Regtig jammer om dit te lees laaste wat ek daar was, was daar nie sulkke optrede nie reels was nagekom sterkte daar vir julle

JaNee..dis nie lekker om al die moeite te doen om na n oord te gaan met die vooruitsig op n lekker naweek en dan n teleurstelling te ontvang nie

Die manne en maninne het toe later beginne stil raak.

Dis so jammer as mense hulle so sleg gedra en nie medekampers in ag neem nie, en kampeer plekke dit toelaat ,sal defnitief nie soontoe gaan nie

Wat n ramp, stilte is nie orals nie.
Hoop maar dit word rustig.

Hi julle. Ons is toe maar vroeg huiswaarts. Ek het met Riaan gepraat en hy is jammer oor die lawaai. Skoolgelde betaal van my kant af.

Julle moet daai geld van julle terug eis van die oord...dis hulle wat nie die reels op ander kampeerders toegepas het nie wat dit onaangenaam vir julle gamaak het. As goeie oord bestuurder moes hy dit eintlik uit homself vir julle aangebied het

Wat , gebeur in so n geval ? hoekom moet ons kampers wat die reels nakom die hase pad vat.

Ons het in elk geval ook ons fooie betaal en staan n groter reg om verder rustig te kuier , en die belhamels tot siens te wuif , ek meen hulle wat die reels nie nakom nie moet mos dan maar gaan . En as die bestuur nie sy titel kan staaf nie dan soek ek mos my geld terug al dan nie ? Of is ek verkeerd ?

See, bossies, hierdie sal julle "ou" manne maar moet bespreek, Ek het nie gevra of gedruk vir so iets, soos ek sê, teleurgesteld maar, skoolgeld betaal. Ek is seker maar een van die manne wat shurrup en aan beweeg, Ek het my issues hier en op Facebook opgebring en dink dis nou genoeg.

Soetdoring is nie vir sissies nie !!!

Ek was laasnaweek daar en sal beslis weer terug gaan.

Baie oorde is maar meer bedoel vir kerk groepe en ander weer vir meer lewe. Maak julle keuse voor julle gaan.

Sterkte met die keuse.

Die oorde van die toekoms is die oorde wat die meeste jong mense geniet. Hulle is die kampers van die toekoms, net my gevoel.

Froggy, as die toekoms soos 'n bike rally gaan wees het ons ons geld gemors op 'n karavaan! As ek wil gaan rally ry ek op my bike?

Ten tweede, begin dan die oord as sulks Adverteer. As jy parties toelaat sê so, dat ek nie geld in die water gooi omdat ek kalmte verwag nie.

Ek wil dit duidelik maak, ek gee nie om dat mense party ens. nie. Sê my egter dat dit toegelaat word, dan hou ek verby! Karavaan is my en my vrou se manier om te unwind na werk.

Dit is skool geld.

Ons almal het dit al iewers betaal. Ek ook baie. Was al by plekke waar ek ook nie weer sal gaan nie.

Waar gaan die jollers unwind na werk. Hulle doen dit anders as die sogenaamde normale mense. Of het hulle nie ook die reg nie ? Moet hulle eerder Vaaldam toe ?

As ek by Soetdoring kamp, bly ek weg van die swembad area, kamp onder nader aan die hek. Hou nie van die dagbesoekers nie..

As hulle nie toegelaat gaan word nie gaan die oord seker toemaak of sy pryse moet verhoog om n bestaan te maak.

So hou verby as die plek nie jou gaan pas nie.

Ek het die probleem dat ons DV in Maart na Eiland Spa toe sleep. Parys is te naby om te oornag en Nylstroom te ver. Ek het reeds na Soetdoring gekyk na 'n moontlikheid. Gelukkig oornag ons op 'n Maandag.

Dan is daar dalk net 2 of 3 waens en geen musiek nie.

Dankie Froggy, ek gaan die kans vat. Is daar ander opsies nader aan die R59 wat goed is ?. Dankie by voorbaat.

Ons het nog altyd van Soetdoring gehou - een Kersfees met die 2 kleinkinders daar gekamp met groot plesier.

Ek stem egter saam dat kampplekke ordentlike reels moet he wat na behore toegepas word - sulke brassery en lawaai maak dit vir die ander heel onplesierig.

Ons kamp by Soetdoring vanaf 23 Desember met die hele familie en ons hoop van harte dat Riaan die kamp na behore sal bestuur - dit was in die verlede so, en het dus groot aftrek gekry. Ek glo ook dat dit die rede is dat mense weer en weer wil teruggaan. Weliswaar 'n baie meer "aktiewe" kamp as De Rust, maar in die aand wil 'n mens darem rus. 

So komaan Riaan, bring ASSEBLIEF die kamp terug tot sy goeie reg!

 

Koppisol, nog nader aan R 59 as ook Klipdraai. Teerpad al die pad.

Ons was verlede naweek daar. Lekker plek.

@Froggy - Baie dankie. Iemand het vir my Klipdraai se nommer gegee, maar watter een sal jy sê is die beter een - Koppisol of Klipdraai ?.

@Pieman - waar was jy verlede naweek ?.

Groete