Goeiemore weereens aan almal,

Ons het nie meer die Woonwa nie - die ding het te oud begin word toe raak ek maar daarvan ontslae.

Nou oorweeg ons dit om net met die langbak-Bakkie te begin reis en kamp totdat ons eendag weer...

Maar nou wonder ek - ek het al voorheen gesien en gehoor soms kampeer ouens so reis-reis net in hulle Bakkies.

Hoe doen mens dit?

Ons hou van reis en kampeer - so ons sal die grootste deel van die dag voor in die Bakkie deurbring, in restaurante eet en so aan...

Goed - ek kan dink mens moet seker ook 'n plank en matras inbou?

Maar die spasie is so klein, al is dit 'n langbak... - het jy dalk ervaring van so iets en watse raad kan jy my gee?

Ons het 'n Toyota Hilux 2.7i...

Ek weet nie hoe jou finansiele toestand is nie...maar ek sal voorstel om miskien na n tent te kyk. Mens kan baie optimisties wees as dit kom by beplanning...maar om te doen is anders. Julle wat al die jare gewoond was aan karavaan kamp gaan moeilik aanpas om in n kar te kamp. Dit gaan jou begin frustreer. Jou basiese benodighede hoef nie veel te kos as jy met tent kampeer nie...maar glo dit gaan vir julle baaaaie meer plesier verskaf

Ek stem saam, tent en yskassie n moet.2 stoele klein stofie vir kos maak. ander goetters is nice to have.

Wat daarvan om 'n valsbodem in te bou? Ongeveer die hoogte van die "wheel arch".

Dan kan al die bagasie ens. onder die valsbodem gebere word in lang laaie en net die matras en beddegoed is bo-op.

Die eensaam sal my vang Neef Herman

Relaxed Camper wrote:

Ek weet nie hoe jou finansiele toestand is nie...maar ek sal voorstel om miskien na n tent te kyk. Mens kan baie optimisties wees as dit kom by beplanning...maar om te doen is anders. Julle wat al die jare gewoond was aan karavaan kamp gaan moeilik aanpas om in n kar te kamp. Dit gaan jou begin frustreer. Jou basiese benodighede hoef nie veel te kos as jy met tent kampeer nie...maar glo dit gaan vir julle baaaaie meer plesier verskaf

Ek hoor jou duidelik Relaxed Camper en ek het 'n lekker tent maar ek is te lui om die ding elke oggend af te slaan en weer vanaand op te slaan...

Ek is selfs te lui om 'n Karavaan saam te sleep... veral as mens elke dag op 'n ander plek oorstaan...

Motorhome is natuurlik vir ons die ideale ding... maar ek dink ek wil eers voel hoe voel dit om (soos Flip en Tilla ook al gemaak het,) net met die Bakkie te toer... voor ek regtig oud is...

Maar moenie 'n fout maak nie - ek hoor jou mooi!

Vicbay wrote:

Het van 2009 tot 2016 so getoer en baie plekke gesien wat ek wou sien. Navara Kingcab se bak 1.8m lank net lank genoeg vir standaard matras. Rubber onder die bak, en koerante onder die matras. Gekamp in vriespunt temperature. Mens leer naand om in en uit die bak te klim. Bietjie bagasie langs die kante gehou, en soms kits gazebo opgeslaan. Was uitdaging om alles stofdig en waterdig te hou, Beekman maar swak kwaliteit. Het ook ander mense raakgeloop, wat hulle bagasie net in oopflip tent gooi, en dan slaap hulle sonder klomp goed agter in die bakkie. Weet ook van Nissan dealer wat so met sy Kingcab gekamp het.

Nou het ek kombi, werk baie beter. Maar jy sal selfs met NP200 regkom, die bak lyk lank genoeg.

Oeeeeie en daai Bak van my is juis nie te stofdig nie Vicbay... ek beny jou waagmoed. Gaan later by jou aanklop vir nog raad.

W J wrote:

Ek stem saam, tent en yskassie n moet.2 stoele klein stofie vir kos maak. ander goetters is nice to have.

Maar WJ, kan mens nie net uit die kafee of restaurant leef nie? Hoekom is die Yskassie 'n moet?

Meerkat wrote:

Is die bakkie 'n double-cab?

Nee Meerkat, net enkelkajuit.

HM wrote:

Wat daarvan om 'n valsbodem in te bou? Ongeveer die hoogte van die "wheel arch".

Dan kan al die bagasie ens. onder die valsbodem gebere word in lang laaie en net die matras en beddegoed is bo-op.

 

Dankie HM... ek sal begin dink aan hoe so 'n vals bodem en laaie moet werk.

Aaha! iets om die reen uit die bakkie uit te hou...

Dankie vir die fotos Vicbay... ek sien nou 'n afdak vir die Bakkie agter is 'n moet.

Maar ek wonder hoe lastig gaan die wind nou weer met daai Gazebo wees... en nou's ek amper weer terug by tentopslaan want as ek elke keer die Gazebo moet opsit kan ek net sowel tent opslaan...

neef Herman wrote:

Hallo Fanie, sien jy is van Knysna af, my ou tuisdorp.
Jy praat van n idee wat nou al n ruk aan my karring. Vroulief is nie altyd reg vir toer nie, en se ek moet asb aangaan. Nou om n karavaantjie te sleep vir een is sinneloos.
Om met n sleepvoertuig te ry met n tent in, klink simpel.
Nou ek het ook n Landrover wat n aluminium canopy het, en Nissan 1400 bakkie met bokkerol op.
Nou wonder ek of ek met die Nissan n toer moet doen, tent en goete agter op, onder die tonneu cover. Magties n ou rugsak stapper gaan nie sukkel met spasie nie.
En dan gedink, so tussen bestemmings by van die Forum lede om te gaan vir n dagse aan te doen.....

Blink idee Neef Hermann... Die Nissan NP200...

...ek kan onthou daar was eenkeer iemand hier op die forums wat fotos geplaas het van hom en sy hond wat so met die klein bakkie getoer het... maar ek dink hy het 'n tent ook gehad... so 'n deurmekaar-tent wat mens net maak staan en na 'n paar dae se kamp en luis wees, nogal heel windverwaaid lyk...

... maar hy en sy brak het te heerlik en gesellig gekamp...

W J wrote:

Die eensaam sal my vang Neef Herman

...nou dis nou net presies wat ek nou het Vicbay... 'n juk in my jis...

Joe Stieger wrote:

Fanie, ek en my vrou het die bakkie-kamp ding gedoen 'n paar jaar gelede. Ons het toe al die wa gehad, maar nog nie die regte sleepvoertuig nie. Toe vat ek my 1600 Mazda rustler half ton bakkie, gooi 'n "sleeper couch" agter in die bak (OK, ek moes hier en daar bietjie van hom uitsny om verby die wheel arches te kon pas), en sit hierdie "telescopic" pype in wat die gordyntjies kon ophou agter in die bak. Die "sleeper couch" was so dik as wat die wheel arches hoog was, en hy was uiters gerieflik om op te slaap.
Omdat ons albei (gelukkig) nie baie lang mense is nie, het ons gerieflik agter in die bak kon lê, maar moes dit so van hoek tot hoek doen.
Ons het net een tas vir klere, 'n gas silinder met 'n cadac "cooker", 'n koelboks, 'n klein opvoubare tafeltjie, twee opvoubare kampstoeltjies, 'n ketel en "toaster" saamgevat.
Dan ook natuurlik 'n paar koppies en borde ens.
Ons het die hele kaap en weskus platgetoer, asook 'n draai in Kruger gaan maak. Wanner jy op 'n plek kom waar jy wil staan vir die aand, het ons eenvoudig alles uitgehaal agter en voor in die "cab" gesit, die canopy se venstertjie oopgemaak en lekker musiek geluister oor die radio. Die alarm aangesit en geslaap....Dit was die lekkerste kamp-en-toer ervaring ooit!

Briljant! Dankie Joe... ek het juis so 'n Sleeper Couch wat ons nooit gebruik nie! Dankie vir jou gedetaileerde beskrywing!

Het nou juis vir my 'n Rhinoman alm. canopie bestel vir my Ranger. Volgende jaar is dit weer Namibie en Okavango en woonwa kan nie saam. Steel nog met die oog orals waar ek kom na manne se "rigs". Wil bakkie mooi inrig maar soek nie daktent nie. Het al gesien met tent op die dak vir vervoer maar gly op rollers langs bakkie af tot so meter van die grond. 

Gelukkig het ek tyd en al sal hier dophou vir tips.