Ons (ek & Ma) vlieg eersdaags af Kaap toe en wil dan 'n 'road trip' doen en by vriende en familie gaan oë wys.

Daarmee saam wil ons ook sommer kyk (recce) na kampeer terreine/oorde met die oog op 'n verlengde woonwa toer iewers volgende jaar?? Kyk asb na die roete wat ons gaan ry en laat weet asb watter woonwaparke daar op hierdie roete is wat moeite werd is om by aan te gaan vir 'n paar dae?? Ons sal dan gaan kyk hoe lyk die park? Verkieslik moet opinies gebaseer wees op eie eerstehandse ervarings?

Ons voorkeure is hoofsaaklik netjiese versorgde veilige oord, mooi staanplekke, goeie ablusies, mooi uitsigte (see is 1e prys) en besienswaardige omgewing. Vêr stap (hiking) is nie nodig nie (rugoperasie). 

Die roete (sirkel) wat ons nou gaan ry met platkar is:

Kaapstad lughawe - Riebeek-Kasteel - Swellendam - Stilbaai/J'fontein - Agulhas/Struisbaai - Gansbaai - Hermanus - Durbanville - Kaap Lughawe.

Ek ontvang graag jul aanbevelings van watter parke om na te gaan kyk (Recce?)..

Dankie.

Jy kan gerus by Skurweberg in Robertson in loer. Nie heeltemaal op jou roete nie

In my valley (Riebeek Kasteel) there is "Fish Eagle River Lodge" at Hermon on the Berg River. 

Other than that, we have just spent a month camping at Bontebok NP, Swellendam.

Between Franshoek and Paarl you have "De Hollandsche Molen" and "Berg River Resort".

ELU geniet die toer en beplanning

Tussen Riebeek en Swellendam is daar ook (met 'n paar kilometer-afwyking) Montagu karavaanpark. Soos Richard genoem het, is Bontebokpark (Swellendam) 'n goeie opsie. Jongensfontein beskik oor 'n netjiese karavaanpark. Ek raak nie opgewonde oor Struisbaai- of Agulhas se karavaanparke nie. Maar naby Gansbaai is die baie netjiese Strandskloof karavaanpark. By Hermanus is Onrus karavaanpark en Kleinmond se karavaanpark is onlangs geprivatiseer en baie netjies opgegradeer.

Ek het toevallig nou net van die Fish Eagle River Lodge in die Riebeekvallei geles.  Lyk soos 'n baie mooi plek maar ek het een beswaar daarteen: Niemand onder 18 jaar word toegelaat nie.  Klink vir my soos 'n regte ouetehuis maar dan ook die tye wanneer ons uitkamp, buite skoolvakansies, is daar nie juis kinders in kampe nie behalwe kleintjies.  Ons hou van die lewe wat kinders aan 'n kamp gee en mis hulle.  Bietjie duur teen R410 per mag maar ek dink ek salnogtans oorweeg om daar oor te staan op ons volgende wegbreek Weskus toe.