Hallo almal, het die afgelope langnaweek by Omaramba gekamp - wat 'n NAGMERRIE! Vir die kampers wat nog nooit daar was nie, spaar jouself die moeite!Die oordbestuur het duidelik geen beheer nie. Daar was heelparty groepe, veral jongmense, wat tot 3 - 4 uur in die nag geraas en lawaai het, party van die "hooligans" het deurgedruk (deurGEDRINK ??) tot huistoegaan tyd Maandag! Gaste is toegelaat om met hulle glase drank en sigarette binne in die warm swembad te kuier - kan julle jul voorstel watter gemors dit is? Die warm swembad was teen Sondagmiddag gruwelik vuil. Het nie 1 maal die naweek gehoor dat mense gevra word om op te hou lawaai nie - gelukkig weet ek dat ouens wat regtig lief is vir kamp, nie so optree nie - hulle het respek vir hulle mede-kampers. Al die mense wat rondom ons gekampeer het, het dit duidelik gemaak dat hulle defnitief nooit weer daar sal kamp nie. Sal graag wil hoor wat die bestuur van Omaramba hiervan te se het. Groete, Michelle

Michelle waar is Omaramba en dankie ver die info.

Willem, Omaramba is net om die draai van Buffelspoort, die ATKV oord naby Rustenburg. Buffelspoort was ongelukkig reeds vol bespreek - gaan gereeld soontoe, hulle bestuurspan is tops, vat nie nonsens nie. Ek ly nou nog aan bomskok - nie sulke goed gewoond nie!

Hi Michelle, dis nou 'n jamerte, toe ons daar was dis nou laas jaar paasnaweek gewees was dit nie so erg behalwe dat dit net aanhoudend gereen het nie, ek reken die reen het seker maar die raserige mense bietjie weg gehou. Ek weet my man is glad nie lief vir omaramba nie en verkies liewers om by buffelspoort te kamp as daar. Ons het by Malonjeni gekamp, daar was dit nou presies die teenoorgestelde as omaramba. Ek skat ons was so 8 karavaane en sekerlik so 7 tente. So dit was verskriklik stil en kon ons die natuur geniet en lekker sit en uitrus en die weer het perfek saam gespeel.

More Almal as ek nie verkeerd is nie word Rustendburgkloof ook deur die eienaar van Omaramba bestuur?? Dis wat ek gehoor het en ek het ook stories van Rustenburgkloof gehoor. Dit klink vir my die grootste probleem is beheer. Mense kan lawaai na harte lus en niemand maak hulle stil nie, so wil ek nie kamp nie dan bly ek by my huis en luister na al die Joburg lawaai in die aande. Kamp Groete Diederik

Hallo Diederik, ek sal defnitief Rustenburgkloof dan ook vermy as dit die geval is. Die enigste manier hoe mens kan uitvind hoe dit werklik op plekke gaan wat beheer ens aanbetref is wanneer mede kampers op forums soos die 1 ander ouens vroegtydig waarsku. Ek dink net dat dit al duurder word om bietjie weg te gaan - 'n mens wil nie nog moordgedagtes koester terwyl jy eintlik behoort te rus nie. Kan iemand my asb meer inligting gee oor Xaxaza karavaanpark naby Richardsbaai? Groetnis

Julle echo presies wat ek ook ondervind het, manne wat die dames toilette ingaan en sekuriteit wat vrot, vrot is. Staan maar liewer op `n ander plek, nie die een nie.

Ons was nou Paas naweek daar. Omaramba sal ons nooit weer sien nie. Swembad area en swembad was vuil. Die hele oord het agteruit gegaan.

Baie Dankie, het beplan om daar te kamp vir n paar dae, maar sal liewer n ander oord kies, Julle forum is die beste ding nog ooit, hoe anders sal n mens hiedie kosbare inligting kry

Die twee oorde se slegte reputasie kom al 'n lang tyd saam. Ons gaan gereeld na Buffelspoort dam toe dit is reg oorkant Omaramba. Die musiek op Vrydag aande en Saterdag aande is oor verdowend.

Ons oornag ook nie meer by die dam nie, want die suiplappe begin ook nou daar kamp. Gaan net in die dag as dagbesoeker.

Leon ons moet daai dagbesoek trippie reel met die bote.

Hi Guys.

This is where our Customer Feedback System comes into play.

After every resort you have camped at, PLEASE go to our Customer Feedback and supply us as well as other campers and the Resort owner with your feedback - both good as well as bad experiences.

Our Customer Feedback is vital for all to see!

 

Hello all,

Anybody been to Omaramba recently? Judging by previous comments here, and the comments left in the campsite section, it doesn't sound great unless there has been recent changes.

Many thanks

Enige iemand meer onlangs daar?
Het as kind nog in 1994 saam met my ouers daar gekamp en dit was nie sleg nie, maar na die laaste kommentaar wat ek gesien het moet ek eerlik se ek is skrikerig.
Ons beplan 'n uitstappie volgende naweek.

Enige terugvoer sal waardeer word.

Welkom Cornelis ek sal nie soontoe gaan na aanleiding van stories, daar is baie ander oorde in daai omgewing.

Cornelis 

Welkom op die forum, sien jy het 'n maad terug al aangesluit maar nou eers jou eerste plasing gedoen.

Ek sal ook eerder 'n ander oord kies tensy jy hou van hard party.

Ek ken die eienaar persoonlik en ja Rustenburgkloof asook Aldam in die Vrystaat behoort aan hom en hy het van sy seuns wat van die oorde bestuur terwyl hy nogsteeds oorhoofs alles beheer.
As jy aan inkomste dink om deesdae alles instand te hou en nog geld te maak dan verstaan ek dat daar n mark is vir die kuiergatte by verskeie oorde en sekere dinge toe te laat.
Ons moet ook besef daar is ander tipe kampers wat weer van die tipe kamp hou.
Ek self verkies n rustige oord en soek met n vergroot glas die oorde uit wat meestal 5 ster oorde is maar ek kry rustigheid en vrede daar.

Geniet jouself en kamp rustig.